विमा एजंट: समाज हिताची जाण असलेला उद्योजक

 विमा एजंट: समाज हिताची जाण असलेला उद्योजक

भारत देश सध्या अशा एका वेगळ्या वळणावर उभा आहे. जिथे आर्थिक सुरक्षा व उद्योजकता एकमेकांना पूरक ठरत आहेत.  जगातील सर्वात तरुण आणि सर्वात गतिशील मनुष्यबळ आपल्याकडे आहे आणि प्रत्येकजण अशा करिअरच्या शोधात आहे जिथे आर्थिक स्वातंत्र्य मिळते. व्यावसायिक विकास आणि हेतू साध्य होतो.  अशी एक शक्तिशाली आणि मोठ्या लाभाची करिअर संधी म्हणजे विमा एजंट बनणे होय.  पारंपारिक उद्योजक उपक्रम, ज्यामध्ये बऱ्यापैकी भांडवल गुंतवले जाते, असे न करता हे काम असा व्यवसाय उभारणीत मदत करते ज्यामध्ये लोकांच्या आयुष्यात खरा फरक निर्माण होतो.  2025 मध्ये भारताचा जीडीपी अलीकडेच $4 ट्रिलियन मार्क पेक्षा जास्त असल्याची नोंद झाली आहे. देशाचा विकास झपाट्याने होत आहे आणि भविष्यकाळात जपान व जर्मनीला मागे सारून जगातील तिसरी सर्वात मोठी अर्थव्यवस्था बनण्याच्या दृष्टीने पाऊल टाकत आहे (स्त्रोत: Eurasia Times).  अशा आर्थिक प्रगतीमुळे नैसर्गिकरित्या प्रति व्यक्ती उत्पन्नात वाढ होते, ज्यामुळे वेळेनुसार अधिक संपत्ती आणि मालमत्ता जमा करण्यास व्यक्तींना सक्षम बनवते.

या संदर्भात, या मालमत्तांचे संरक्षण करण्याची भूमिका केवळ व्यक्तींचे कल्याण सुनिश्चित करण्यासाठीच नाही तर राष्ट्र-निर्माणात योगदान देण्यासाठीही सर्वोत्तम बनते.  विमा एजंट केवळ पॉलिसी विकत नाही तर ते कुटुंबांना आर्थिक संरक्षण, व्यवसायात स्थिरता आणि कुटुंबातील प्रत्येक व्यक्तीस मनःशांती मिळेल यासाठी देखील प्रयत्न करतात.  भारतासारख्या देशात जिथे विमासंबंधी मोठया प्रमाणात जागरूकता नाही, जिथे लाखो लोकांच्या आयुष्यात आर्थिक धक्के सुरूच असतात, त्याठिकाणी हा व्यवसाय करणे म्हणजे केवळ करिअर घडवणे नाही तर एक प्रकारचे मिशन साध्य करणे होय.

विमा एजंटची भूमिका आजच्या घडीला उपलब्ध असलेल्या सर्वात आकर्षक आणि परिपूर्ण करिअर मार्गांपैकी एक आहे.  संरचित आणि सुस्थापित उद्योगाचा लाभ घेताना एजंट उद्योजकतेच्या लवचिकता आणि स्वातंत्र्यासह कार्य करतात.  मोठ्या भांडवली गुंतवणूकीची आवश्यकता नाही आणि तरीही आर्थिक ध्येय बर्‍याप्रमाणात गाठले जाते.  पॉलिसी विकून कमवलेले कमिशन केवळ एक वेळचे उत्पन्न नाही तर पॉलिसी नूतनीकरणाद्वारे दीर्घकालीन महसूल निर्मिती होऊ शकते.  अनेक इंडस्ट्रीजमध्ये कमाई व्यवहारिक असते मात्र बहुतांश सर्वसाधारण विमा पॉलिसी वार्षिक आहेत, म्हणजे त्यांचे दरवर्षी नूतनीकरण करणे गरजेचे आहे.  विमा एजंटसाठी, हे आवर्ती उत्पनाचा मार्ग तयार करते, जिथे आज विकलेली प्रत्येक पॉलिसी वर्षानुवर्षे महसूल निर्माण करत राहते.  ग्राहक मिळवण्यासाठी केलेली धडपड एकदा केलेल्या विक्रीसह व्यर्थ जात नाही; त्याऐवजी, ती एक चक्रवाढ आर्थिक प्रवाह तयार करते, ज्यात शाश्वत कमाई आणि आर्थिक सुरक्षा सुनिश्चित होते.

विमा क्षेत्रात देखील डिजिटल युगाचा आरंभ झाल्यामुळे आजच्या घडीला विमा एजंट बनणे पूर्वीपेक्षा अधिक सोपे झाले आहे.  भारतीय विमा कंपन्यांनी तंत्रज्ञानामध्ये मोठ्या प्रमाणात गुंतवणूक केली आहे, ज्यामुळे ग्राहकांपर्यंत डिजिटलपणे पोहोचणे, त्वरित पॉलिसी जारी करणे आणि वास्तविक वेळेत त्यांना सहाय्य करणे या गोष्टी आता सहज शक्य झाल्या आहेत.  मोबाईल ॲप, एआय-संचालित ग्राहक सेवा, डिजिटल पॉलिसी जारी करणे आणि विमा ट्रॅकिंग यामुळे एजंटच्या कामात अमुलाग्र बदल दिसून येत आहे.  या उपयुक्त साधनांसह, एजंट आता एकाच वेळी एकाधिक ग्राहकांची मागणी पूर्ण करू शकतात, कागदरहित व्यवहार करू शकतात आणि प्रवासात असताना देखील वैयक्तिकृत उपाय सूचवू शकतात.  या डिजिटल परिवर्तनामुळे कार्यात्मक अडथळे दूर झाले आहेत, ज्यामुळे एजंटला महत्त्वाच्या बाबींवर लक्ष केंद्रित करता येते जसे की ग्राहकांशी चांगले संबंध निर्माण करणे आणि योग्य आर्थिक उपाय सुचविणे.  तरीही, अशा प्रकारची तांत्रिक प्रगती होत असताना देखील विमा हा असा व्यवसाय आहे, जो आपापसातील संभाषण व विश्वास या घटकांवर अवलंबून आहे.  अनेक वित्तीय उत्पादने ऑनलाईन घेतली जाऊ शकतात मात्र विमा प्रकारात अनेकदा मार्गदर्शनाची आवश्यकता असते.  ग्राहक पॉलिसी खरेदी करण्यापूर्वी त्याबाबतची स्पष्टता, संरक्षणाचे लाभ, अपवाद या सर्व बाबी तपासून घेत असतो.  आणि याचवेळी विमा एजंट मुख्य भूमिका बजावतो.  वितरण हा विमा उद्योगाचा मेरुदंड आहे, ज्यामुळे लोकांना त्यांची आर्थिक जोखीम पूर्णपणे समजल्याची आणि पुरेसे संरक्षित असल्याची खात्री होते.  एजंट जटिल पॉलिसी आणि वास्तविक जीवनाची आर्थिक सुरक्षा यादरम्यानचे अंतर कमी करतो, ज्यामुळे खरेदी प्रक्रिया अधिक सरळ, सहज वापरण्याजोगी आणि ग्राहकांना दिलासा देणारी ठरते.

वाढती अर्थव्यवस्था असूनही, भारतात विमासंबंधी जागरूकता कमीच आहे आणि जागतिक सरासरीपेक्षा विम्याचा प्रसार लक्षणीयरीत्या कमी आहे.  जीवन विम्याचे प्रमाण जीडीपीच्या अंदाजे 2.8% आहे, तर सर्वसाधारण विमा देखील कमी आहे म्हणजे जवळपास 1%.  भारतात ज्याप्रमाणात नैसर्गिक आपत्तीच्या घटना घडत आहेत त्यामुळे साहजिकच चिंतेचे वातावरण आहे.  सन 1900 पासून, 1900 ते 2000 दरम्यान 402 आपत्ती घटना आणि 2001 ते 2022 दरम्यान 361 आपत्ती घटना घडल्या आहेत.  या घटना अधिक वारंवार होत आहेत आणि त्यामुळे गंभीर आर्थिक ताण निर्माण होत आहे.  विविध प्रकारच्या आपत्तींमध्ये, पूर परिस्थिती सर्वात सामान्य आहेत, ज्यामध्ये जवळपास 41% सर्व घटनांचा समावेश होतो, त्यानंतर क्रम लागतो वादळाचा (स्त्रोत: SBI research).  याव्यतिरिक्त, अहवाल दर्शवितात की देशाचा 59% भाग भूकंपासाठी असुरक्षित आहे.  सध्याचेच उदाहरण घ्यायचे म्हटले तर दिल्लीतील 4 रिश्टर स्केलचा भूकंप (स्त्रोत: PIB).  हे अहवाल सामान्य जनता, पायाभूत सुविधा आणि संसाधनांसाठी गंभीर जोखीम अधोरेखित करतात.

हे संरक्षण अंतर केवळ समाजातील सर्वात असुरक्षित घटकापर्यंत आणि देशाच्या दुर्गम भागांपर्यंत आपली पोहोच वाढवून संबोधित केले जाऊ शकते.  आपली लोकसंख्या सर्वसमावेशक विमा अंतर्गत संरक्षित असल्याची खात्री करून, आपण आपत्तींनंतर या समुदायांना महत्त्वाचे आर्थिक सहाय्य प्रदान करू शकतो, त्यांना त्यांचे आयुष्य पुन्हा उभे करण्यास आणि त्यांचे भविष्य सुरक्षित करण्यास मदत करू शकतो.  विमा या प्रकाराचा अवलंब करण्यासाठी, सरकारने आयुष्मान भारत, पीक विमा योजना आणि अपघात संरक्षित कार्यक्रम यासारख्या उपक्रमांची सुरुवात केली आहे.  तरीही, विमा एजंट हा जनता आणि या आर्थिक सुरक्षा तरतुदी या दरम्यानचा खरा दुवा आहे.  जोखीम संरक्षणाचे महत्त्व यावर व्यक्ती आणि व्यवसायांना शिक्षित करून आणि त्यांना योग्य पॉलिसी सुरक्षित करण्यास मदत करून देशाच्या आर्थिक लवचिकता मजबूत करण्यात एजंट महत्त्वाची भूमिका बजावतात.  या व्यवसायाचे सौंदर्य ते जोपासत असलेल्या नातेसंबंधांमध्ये आहे.  विमा खूपच वैयक्तिक बाब आहे, त्यासाठी व्यक्तीच्या विशिष्ट गरजा समजून घेणे, त्यांच्या पर्यायांवर शिक्षित करणे आणि त्यांचे भविष्य सुरक्षित करणारे उपाय प्रदान करणे आवश्यक आहे.  कालांतराने, एजंटचे काम विक्री पॉलिसीच्या पलीकडे विस्तारित होते; ते गरजेच्या वेळी विश्वसनीय सल्लागार, आर्थिक समस्या सोडवणारे आणि विश्वसनीय मार्गदर्शक बनतात.  ग्राहकासोबत निर्मित विश्वासामुळे मजबूत व्यावसायिक संबंध, व्यवसायाची पुनरावृत्ती आणि दीर्घकालीन यश मिळते.  विकली जाणारी प्रत्येक पॉलिसी केवळ व्यवहार नाही; हे व्यक्ती आणि कुटुंबांसाठी उज्ज्वल भविष्य सुनिश्चित करण्यासाठी आर्थिक सुरक्षा आणि वचनबद्धता दर्शविते.

आपले करिअर फायदेशीर व अर्थपूर्ण असावे अशी सर्वांची इच्छा असते, विमा एजंट बनल्यास या दोन्ही बाबी पूर्ण होतात.  हे एक असे करिअर आहे ज्यामध्ये रोज नवनवीन लोकांशी संपर्क साधता येतो, त्यांना माहितीपूर्ण फायनान्शियल निर्णय घेण्यास आणि त्यांचे भविष्य सुरक्षित करण्यास मदत करता येते.  भारताच्या विस्तृत, अद्याप प्रकाशात न आलेल्या या क्षेत्रातील विकासाच्या संधी अतुलनीय आहेत.  संकटाच्या क्षणांमध्ये विम्याचे महत्त्व सर्वाधिक कळून येते. जे लोक प्रभावित होतात, त्यांच्यासाठी जीवनवाहिनीचे कामच जणू विमा करत असते.  नैसर्गिक आपत्ती, वैद्यकीय आपत्कालीन परिस्थिती किंवा अपघातांमुळे विनाशकारी नुकसान होऊ शकते, परंतु विमा लोकांना त्यांचे आयुष्य पुन्हा निर्माण करण्यास मदत करण्यासाठी आवश्यक आर्थिक सहाय्य प्रदान करते.  सरकारला या गोष्टीची जाण आहे आणि आपत्ती दरम्यान जलद दावा सेटलमेंटला सक्रियपणे प्रोत्साहन देते, विमाधारकांना वेळेवर सहाय्य प्राप्त होण्याची खात्री करते.  ही उदाहरणे केवळ समाजात विम्याची महत्त्वाची भूमिका मजबूत करतात.  हे घर, वाहने आणि व्यवसाय सारख्या आवश्यक मालमत्तेचे संरक्षण करते, आर्थिक तणावापासून पुनर्प्राप्ती सुलभ करते आणि मनःशांती प्रदान करते.  विमा एजंट बनणे म्हणजे एक असा एक व्यवसाय निवडणे आहे, जो शाश्वत बदलाच्या निर्मितीच्या क्षमतेसह आर्थिक स्वातंत्र्य प्रदान करतो.  या उद्योगाचा विस्तार सध्या झपाट्याने होत आहे, आज जे यामध्ये सहभागी होणार आहेत, त्यांना स्वतःच्या आर्थिक लाभासह इतरांना त्यांच्या आर्थिक विवंचनेत केलेल्या मदतीचे समाधान देखील प्राप्त होईल.

सामाजिक प्रभावासह व्यावसायिक यश प्राप्त करणाऱ्या करिअरच्या शोधात असलेल्या कोणासाठी ही योग्य संधी आहे.  हीच ती वेळ, अशा व्यवसायामध्ये उतरण्याची जिथे महत्त्वाकांक्षेला चालना दिली जाते, आर्थिक सुरक्षा निर्माण केली जाते आणि अर्थपूर्ण वारसा घडवला जाऊ शकतो.  तुमच्या भविष्याची जबाबदारी घ्या आणि भारताच्या आर्थिक कल्याणास सुरक्षित करण्याच्या मिशनमध्ये सहभागी व्हा. आजच विमा एजंट बना!

श्री. आशिष सेठी, हेड - एजन्सी, हेल्थ डिस्ट्रीब्यूशन आणि ट्रॅव्हल, बजाज आलियान्झ जनरल इन्श्युरन्स