जुन्या भांडणाचा राग, महिलेचा विनयभंग करत विष पाजले, पीडीतेची मृत्यूशी झुंज;

बीड: जुन्या भांडणांची कुरापत काढत बीड येथील चांदणे वस्तीत एका कुटुंबाला मारहाण करत कुटुंबातील महिलेवर विनयभंग करत विष पाजल्याची घटना काल उघडकीस आली आहे. मात्र या घटनेवर कुटुंबाची कोणतीही तक्रार पोलीस प्रशासन घेत नसल्याने पोलीस प्रशासनाच्या कामगिरीवर मुलीच्या आईने प्रश्नचिन्ह उपस्थित केले आहेत.

बीड शहरातील चांदणे वस्ती येथे कुंदन मंकेश चांदणे वय वर्ष २७ या आपल्या घरी काम करत असताना त्याच भागात राहत असलेल्या सुंदर चांदणे ,किशोर चांदणे, मसु चांदणे,आणि सोनी चांदणे यांनी जुन्या भांडणाची कुरापत काढत लाठ्या-काठ्याने घरात घुसून कुंदन मंकेश चांदणे वय वर्ष २७ यांना मारहाण करत खाली पाडलं त्यानंतर विनयभंग करत विष पाजले, असा दावा केला आहे. तशी तक्रार पोलीस अधीक्षक नंदकुमार ठाकूर यांना दिलेल्या निवेदनात त्यांनी म्हटलं आहे. मात्र ही घटना घडून देखील पोलीस प्रशासन कोणतीही ठोस पावलं उचलत नसल्याने पोलिसांच्या कामावर मुलीच्या आईने संशय व्यक्त केला आहे.

या आधी देखील त्याच लोकांनी माझ्या बहिणीच्या कुटुंबावर हल्ला चढवला होता त्याचबरोबर आम्हाला देखील मारहाण करण्यात आली. त्याच्यावर आधीच ३०२ चा गुन्हा दाखल असल्याने आणि सावकारकी करत असल्याने पोलीस देखील त्याला साथ देत आहेत. नेमका आता आम्हाला न्याय कोण देणार? असा प्रश्न पिडीत तरुणीच्या भावाने उपस्थित केला आहे.

या सगळ्या भांडणामध्ये जुना कुरापती काढून माझ्या मुलीला यांनी मारहाण करून विष पाजलं. आज ती मरणाच्या दारात आहे. मात्र याच्यासाठी आम्ही न्याय कोणाला मागावा. पोलिसांकडे दाद मागण्यास गेल्यास पोलिस आम्हाला हाकलून देतात मग न्याय कोणाकडे मागायचा, असं सवाल मुलीच्या वडिलांनी केला आहे.