जिन्स पँटमध्ये लपवलेलं पिस्तुल दिसलं अन् खेळ संपला

धाराशीव : अतिशयोक्ति ही किती मोठी चूक ठरू शकते आणि ती किती महागात पडू शकते, हे एका घटनेवरून समोर आलं आहे. ही अतिशयोक्ति मग ठरवून करू दे किंवा अनावधानातून, चूक ती चूकच असते. यामुळे धाराशीव तालुक्यातील चिखली येथे एक गुन्हा समोर आला आहे. गुन्हेगाराच्या मुसक्या आवळण्यात पोलीसांना यश मिळाले आहे.

स्थानिक गुन्हे शाखा पथकाला खबऱ्या मार्फत मोठी माहिती मिळाली. चिखली चौरास्ता या ठिकाणी लाल चौखडा रंगाचा शर्ट आणि आकाशी निळ्या रंगाची जिन्स पँट परीधान केलेला इसमाच्या कमरेला बंदुक सारखे काही तरी शस्त्र आहे, अशी माहिती खबऱ्याने पोलिसांना दिली. यानंतर स्थानिक गुन्हे शाखा पथकाने पोलीस निरीक्षक यशवंत जाधव यांना कळविले. त्यांनी सदर ठिकाणी जावून मिळालेल्या बातमीची खात्री करून योग्य ती कायदेशीर कार्यवाही करण्याचे आदेश दिले.

स्थानिक गुन्हे शाखा पथकाने सदर ठिकाणी सापळा लावून दुपारी सव्वा दोन वाजण्याच्या सुमारास नमूद वर्णनाच्या इसमास ताब्यात घेतले. त्याचे नाव, गाव विचारल्यावर त्याने माहिती दिली. किशोर लिंबराज माळी ( वय ३४ वर्षे, रा. चिलवडी, ता उस्मानाबाद) असे त्याने नाव सांगितले. त्यानंतर त्याची अंगझडती घेतल्यावर त्याच्याकडील १५,५०० रुपये किमतीचे देशी बनावटीचे पिस्तुल आणि एक जिवंत काडतुस सापडले. पोलीस पथकाने त्याला अटक करून त्याच्या ताब्यातील देशी बनावटीचे पिस्तुल आणि एक जिवंत काडतुस जप्त केले.

पोलिसांनी किशोर माळी याच्याविरुद्ध पोलीस ठाणे बेंबळी या ठिकाणी श्स्त्र अधिनियम कायद्यान्वये गुन्हा दाखल केला आहे. सदरची कामगिरी पोलीस अधीक्षक, अप्पर पोलीस अधीक्षक नवनीत कॉवत यांच्या मार्गदर्शनाखाली स्थानिक गुन्हे शाखाचे पोलीस निरीक्षक यशवंत जाधव, पोलीस उपनिरीक्षक संदीप ओहोळ, पोलीस अंमलदार विनोद जानराव, फराहान पठाण या पथकाने केली.