६१ लाखांचं प्रकरण, नेमका विषय काय?
बीड: राज्यसभेच्या निवडणुकीसाठी भाजपच्या नेत्या पंकजा मुंडे यांचं नाव चर्चेत होतं. पण नेहमीप्रमाणे यंदाही त्यांच्या पदरी निराशाच पडली. भाजपमध्ये येऊन २४ तासही उलटले नसताना काँग्रेसचे माजी नेते अशोक चव्हाण यांना राज्यसभेची उमेदवारी मिळाली आणि मुंडेंच्या नशिबी पुन्हा उपेक्षाच आली. त्यात आता मुंडेंसमोर नव्या अडचणी निर्माण झाल्या आहेत.
कर्मचाऱ्यांचा ६१ लाख ४७ हजार रुपये थकीत पीएफ न भरल्याने कर्मचारी भविष्य निर्वाह निधी कार्यालयानं पंकजा मुंडेंच्या वैद्यनाथ सहकारी साखर कारखान्याला नोटीस बजावली आहे. मागील काही महिन्यांपासून काही कारणास्तव वैद्यनाथ सहकारी साखर कारखाना बंद आहे. यामुळे साखर कारखान्याने कर्मचाऱ्यांच्या पीएफची रक्कम संबंधित कार्यालयाकडे न भरल्याने ही नोटीस पाठवण्यात आली आहे.
काही दिवसांपूर्वी याच वैद्यनाथ सहकारी साखर कारखान्याला १९ कोटी रुपयांच्या साखरेवरील जीएसटी न भरल्याने नोटीस देण्यात आली होती. त्यानंतर आता बंद असलेल्या वैद्यनाथ सहकारी साखर कारखान्याच्या कर्मचाऱ्यांच्या पीएफची रक्कम संबंधित कार्यालयाकडे न भरल्याने जीएसटी कार्यालयानंतर पीएफ कार्यालयानेसुद्धा नोटीस बजावली आहे. पंकजा मुंडे यांच्या ताब्यात असलेला वैद्यनाथ सहकारी साखर कारखाना हा मागच्या अनेक महिन्यांपासून पाण्याची कमतरता, दुष्काळ या सोबतच वेगवेगळ्या कारणांमुळे बंद आहे.
काही दिवसांपूर्वी याच वैद्यनाथ सहकारी साखर कारखान्याला १९ कोटी रुपयांच्या साखरेवरील जीएसटी न भरल्याने नोटीस देण्यात आली होती. त्यानंतर आता बंद असलेल्या वैद्यनाथ सहकारी साखर कारखान्याच्या कर्मचाऱ्यांच्या पीएफची रक्कम संबंधित कार्यालयाकडे न भरल्याने जीएसटी कार्यालयानंतर पीएफ कार्यालयानेसुद्धा नोटीस बजावली आहे. पंकजा मुंडे यांच्या ताब्यात असलेला वैद्यनाथ सहकारी साखर कारखाना हा मागच्या अनेक महिन्यांपासून पाण्याची कमतरता, दुष्काळ या सोबतच वेगवेगळ्या कारणांमुळे बंद आहे.
No comments:
Post a Comment