भोसरीतील कंपनीत भीषण आग, एकाची प्रकृती गंभीर, बचावकार्य जारी

• • Pune Fire Incident : पुण्यातील भोसरीतल्या औद्योगिक वसाहतीत भीषण आग लागल्याची धक्कादायक घटना समोर आली आहे. अग्निशमन दलाच्या गाड्या घटनास्थळी दाखल झाल्या आहे.

Bhosari Pune Fire Incident : मुंबईतील आगीची घटना ताजी असतानाच आता पुण्यातून धक्कादायक घटना समोर आली आहे. पुण्यातील भोसरी औद्योगिक वसाहतीत भीषण आग लागली असून त्यात एका व्यक्ती होरपळला आहे. आग लागली त्यावेळी कारखान्यात अनेक कामगार असल्याने जखमींचा आकडा वाढण्याची शक्यता आहे. भोसरीतील औरा आईस अँड कोल्ड कंपनीत आग लागली असून अग्निशमन दलाच्या गाड्या घटनास्थळी दाखल झाल्या आहे. कंपनीत अनेक कामगार अडकले असून कामगारांना बाहेर काढण्याचे काम सुरू करण्यात आलं आहे.

मिळालेल्या माहितीनुसार, पुण्यातील भोसरी औद्योगिक वसाहतीतल्या औरा आईस अँड कोल्ड या कंपनीत अचानक आग लागली आहे. यामुळं कंपनीतील कामगारांमध्ये एकच खळबळ उडाली. त्यानंतर स्थानिक नागरिक आणि पोलिसांनी तातडीने घटनास्थळी धाव घेतली आहे. याशिवाय अग्निशमन दलाच्या गाड्या देखील घटनास्थळी दाखल झाल्या आहे. आगीत एक व्यक्ती गंभीररित्या होरपळला असून त्याला तातडीने रुग्णालयात दाखल करण्यात आलं आहे. याशिवाय अन्य काही लोकांना रुग्णालयात दाखल करण्यात येत असल्याची माहिती आहे. बचावकार्य सुरू करण्यात आलं असून आगीवर नियंत्रण मिळवण्याचं काम जारी आहे.

Lonavla Truck Accident : चिक्कीच्या दुकानात भरधाव ट्रक शिरला, लोण्यावळ्यातील थरारक घटना

भोसरीतल्या औरा आईस अँड कोल्ड कंपनीत आग लागल्याची घटना समजताच पिंपरी, चिंचवड आणि भोसरीतल्या नागरिकांनी तातडीने कंपनीच्या दिशेने धाव घेतली. अग्निशमन दलाच्या जवानांसह स्थानिक नागरिकांच्या मदतीने मदतकार्य सुरू करण्यात आलं आहे. सुदैवाने या घटनेत कोणतीही जीवीतहानी झालेली नाही. परंतु औरा आईस अँड कोल्ड कंपनीतील कोट्यवधी रुपयांच्या साहित्यांचं नुकसान झालेलं आहे. कंपनीच्या इमारतीतून धुराचे लोट बाहेर पडत असून इमारतीच्या आत महागडे साहित्य जळून खाक झाल्याची माहिती आहे.