ईव्हीसाठी अनिवार्य मोटर विमा ॲड-ऑन कव्हर
श्री. सुभाशिष मुझुमदार, प्रमुख - मोटर वितरण, बजाज आलियान्झ, सर्वसाधारण विमा
तंत्रज्ञानाच्या आगमनाने, आजकाल इलेक्ट्रिक वाहने किंवा ईव्ही सर्वत्र लोकप्रिय आहेत. इंडिया ब्रँड इक्विटी फाऊंडेशन (आयबीईएफ) द्वारे समर्थित डाटानुसार, भारतीय ईव्ही बाजारपेठ 66.52% च्या चक्रवाढ वार्षिक वाढ दर (सीएजीआर) सह 2022 मध्ये $3.21 अब्ज पासून 2029 पर्यंत $113.99 अब्ज पर्यंत वाढण्याचा अंदाज आहे. आर्थिक वर्ष 2025 पर्यंत, भारतातील संचयी ईव्ही विक्री 6.16 दशलक्ष युनिट्सपर्यंत पोहोचली, ज्यात वार्षिक विक्री 2 दशलक्ष युनिट्स पेक्षा जास्त झाली, असे जेएमके रिसर्च अँड ॲनालिटिक्सच्या अहवालात म्हटले आहे. ही वेगवान वाढ शाश्वत वाहतुकीच्या दिशेने मोठ्या बदलाचे संकेत देते, अनेक लोक अंतर्गत ज्वलन इंजिन (आयसीई) पेक्षा ईव्ही निवडतात.
विमा कंपनीच्या दृष्टिकोनातून, या बदलाचा अर्थ असा आहे की ईव्ही विम्याचे प्रमाण वाढत आहे. ईव्ही विमा इलेक्ट्रिक गतिशीलतेशी संबंधित अद्वितीय जोखमींनुसार तयार केलेले सर्वसमावेशक कव्हरेज प्रदान करतो. यामध्ये बॅटरीशी संबंधित समस्यांपासून संरक्षण जसे की खराब होणे आणि बदलण्याचा खर्च, होम चार्जिंग स्टेशनसारख्या चार्जिंग उपकरणांसाठी कव्हरेज आणि चार्जिंग संपण्यासारख्या परिस्थितींसाठी विशेषतः डिझाईन केलेले रस्त्यावरील सहाय्य यांचा समावेश आहे. भारतातील ईव्ही बाजारपेठ विस्तारत असताना, विमा कंपन्यांनी अशा पॉलिसी विकसित केल्या आहेत ज्या ग्राहकांसाठी उपलब्धयोग्यता सुनिश्चित करताना या घटकांची पूर्तता करतात.
इलेक्ट्रिक वाहनांसाठी पाच मोटर विमा ॲड-ऑन कव्हर
ग्राहक त्यांच्या इलेक्ट्रिक वाहनांची सुरक्षितता वाढविण्यासाठी खरेदी करू शकतील असे पाच अनिवार्य मोटर विमा ॲड-ऑन कव्हर येथे दिले आहेत:
1. शून्य घसारा आणि आरटीआय कव्हर
पेट्रोल/डिझेल समकक्ष भागांच्या तुलनेत ईव्हीमध्ये प्लास्टिकचे भाग जास्त असतात. प्लास्टिक, रबर इत्यादी काही भागांवर, पहिल्या वर्षीच घसारा 50% इतका जास्त असतो आणि ईव्ही घटकांमध्ये प्लास्टिक असल्याने, पहिल्याच वर्षी उच्च घसारा खर्च येतो. म्हणून, शून्य घसारा कव्हर असणे महत्त्वाचे आहे.
हे ॲड-ऑन इलेक्ट्रिक कारच्या भागांवरील घसाऱ्यापासून दिलासा प्रदान करते, ज्यामुळे मालकाला दाव्याची अधिक रक्कम मिळू शकते. तथापि, हे लक्षात ठेवणे सूज्ञपणाचे आहे की हे कव्हर प्रामुख्याने पाच वर्षांपर्यंतच्या जुन्या कारसाठी लागू आहे.
शून्य-घसारा व्यतिरिक्त, तुम्ही रिटर्न टू इन्व्हॉईस किंवा आरटीआय कव्हर देखील निवडावे. हे ॲड-ऑन सुनिश्चित करते की पॉलिसीधारकांना त्यांच्या ईव्हीचे नुकसान किंवा चोरी झाल्यास घसरलेल्या बाजार मूल्याऐवजी बिल रकमेची प्रतिपूर्ती केली जाते. ईव्हीना जास्त आगाऊ खर्च येतो हे लक्षात घेता, आरटीआय विमा घोषित मूल्य आणि प्रत्यक्ष खरेदी किंमत यांच्यातील तफावत कमी करून आर्थिक सुरक्षा प्रदान करते.
2. इलेक्ट्रिक कारसाठी मोटर आणि बॅटरी संरक्षण कव्हर
मोटर आणि बॅटरी हे ईव्हीचे सर्वात महागडे आणि महत्त्वाचे भाग आहेत, म्हणूनच, दुरुस्ती किंवा बदलण्याची किंमत प्रचंड असू शकते. त्यामुळे त्यांना कव्हर करणे अधिक महत्त्वाचे ठरते. बहुतेकदा, पाच वर्षांपर्यंतच्या कार या ॲड-ऑन अंतर्गत कव्हर केल्या जाऊ शकतात, जे शून्य-घसारा कव्हरसारखेच आहे.
मोटर संरक्षक कव्हर अतिरिक्त सुरक्षा म्हणून काम करते, आवश्यक दुरुस्तीचा खर्च भागवते आणि तुम्हाला मोठ्या आर्थिक भारांपासून वाचवते. एखादी अनपेक्षित घटना घडल्यास, आर्थिक ताण न येता दुरुस्ती विमा कंपनीकडून केली जाईल.
इलेक्ट्रिकल बिघाडापासून ते वायरिंगचे नुकसान किंवा मोटर उष्णतेमुळे झालेल्या हानीने निकामी होण्यापर्यंत, ईव्ही बॅटरी ॲड-ऑन तुम्हाला मोठ्या खर्चापासून वाचवण्यास सक्षम आहे. हे पॉलिसीधारकांना पाण्याच्या प्रवेशापासून देखील संरक्षण देते. ईव्ही इलेक्ट्रिक मोटर आणि गुंतागुंतीच्या इलेक्ट्रिकल प्रणालीवर अवलंबून असल्याने, एकदा का गढूळ पाणी इंजिनमध्ये शिरले की ती पूर्णपणे निकामी होतात. इंजिन दुरुस्त करण्यासाठी किंवा बदलण्यासाठी दाव्याची रक्कम अफाट आहे. कारच्या मेक आणि मॉडेलनुसार एंट्री-लेव्हल कारसाठी खर्च रु. 4 लाखांपर्यंत जाऊ शकतो आणि हाय-एंड कारसाठी रु. 20 लाखांच्या वर असू शकतो. म्हणून, हे कव्हर असणे अत्यंत महत्त्वाचे आहे.
3. ईव्ही चार्जर कव्हर
नावाप्रमाणेच, हे ॲड-ऑन वॉल-माउंट आणि पोर्टेबल ईव्ही चार्जरसाठी संरक्षण प्रदान करते. ईव्ही चार्जर हरवल्यास, चोरीला गेल्यास किंवा खराब झाल्यास याचा वापर केला जाऊ शकतो. हे विशेषतः फायदेशीर आहे कारण ते अनपेक्षित खर्च कमी करते आणि सुविधा वाढवते, विशेषतः अशा शहरांमध्ये जिथे सार्वजनिक चार्जिंग स्टेशन नेहमीच उपलब्ध किंवा विश्वासार्ह नसतात.
4. टायर आणि रिम संरक्षण कव्हर
ईव्ही सामान्यतः आयसीई कारपेक्षा जड असतात आणि म्हणूनच, या कारचे टायर झीज झाल्यामुळे सहजपणे खराब होतात. टायर आणि रिम प्रोटेक्शन कव्हर असल्याने टायर आणि रिमना अपघाती नुकसान किंवा हानी होण्‍यापासून संरक्षण सुनिश्चित होते. तुम्ही सर्वसमावेशक कार विमा पॉलिसी खरेदी केल्यानंतर हे ॲड-ऑन कव्हर खरेदी केले जाऊ शकते. काही विमा कंपन्या या अ‍ॅड-ऑन अंतर्गत कामगार शुल्कासह दुरुस्ती आणि बदली देखील प्रदान करतात.
5. रस्त्यावरील सहाय्य कव्हर
रस्त्याच्या मधोमध तुमची गाडी बिघडल्यास जागेवरच सहाय्य मिळवणे यासाठी हे आहे. हे घडू नये म्हणून, हे कव्हरेज मिळवणे महत्त्वाचे आहे.
काही विमा कंपन्या ईव्ही संबंधित सर्व शंकांचे उत्तर देण्यासाठी 24*7 तज्ज्ञ सहाय्य प्रदान करतात. शंका किंवा समस्या विमाधारकाच्या वाहनाशी, त्याची बॅटरी, चार्जिंग स्टेशन इत्यादींशी संबंधित असू शकते.
शिवाय, जर गाडी बिघडली तर विमाधारकाला त्यांच्या समस्येबद्दल माहिती देण्यासाठी विमा कंपनीला कॉल करावा लागेल. त्यानंतर विमा कंपनी एका मेकॅनिकला पाठवते जो वाहनाची तपासणी करून मदत करतो. महानगरांमध्ये, काही विमा कंपन्या अचानक ईव्हीची बॅटरी संपली तर पोर्टेबल मोबाईल चार्जर देखील देतात.
निष्कर्ष
शेवटी, ॲड-ऑन कव्हर इलेक्ट्रिक वाहनांसाठी कार विम्याचे हप्ते वाढवू शकतात, परंतु त्यांचे फायदे निर्विवादपणे मौल्यवान आहेत, विशेषतः आपत्कालीन परिस्थितीत. विशेष ईव्ही घटकांचे संरक्षण करण्यापासून ते अनपेक्षित बिघाडांच्या वेळी सहाय्य देण्यापर्यंत, वाढीव आर्थिक सुरक्षा आणि मनःशांती प्रदान करण्यासाठी हे कव्हर खरेदी करणे आवश्यक आहे. जसजसा ईव्हीचा वापर वाढत जाईल तसतसा अधिक डाटा उपलब्ध होत असताना ईव्हीसाठी विमा हप्ते कमी होण्याची अपेक्षा आहे.