समृद्धी महामार्गावर पहिली दुर्घटना, दोन कारमध्ये झाली धडक, सुदैवानी कोणतीही जीवितहानी नाही

 नागपूर : पंतप्रधान नरेंद्र मोदी यांच्या हस्ते नुकतेच लोकार्पण झालेल्या महत्त्वाकांक्षी पहिल्या टप्प्यातील समृद्धी महामार्गावर अपघात झाल्याचे वृत्त आहे. भरघाव वेगाने जाणाऱ्या एका मर्सिडीज बेंझ कारने वायफळ टोल नाक्याजवळ स्विफ्ट कारला धडक दिली. सुदैवाने यात कोणतीही जीवितहानी झालेली नाही. तसेच या प्रकरणी अद्याप गुन्ह्याची नोंद देखील करण्यात आलेली नाही.

गेल्या रविवारी पंतप्रधान नरेंद्र मोदी यांच्या हस्ते समृद्धी महामार्गाच्या (पहिला टप्पा) लोकार्पणाला सोहळा पार पडला. गेल्या रविवारी पंतप्रधान नरेंद्र मोदी यांच्या हस्ते समृद्धी महामार्गाच्या (पहिला टप्पा) लोकार्पणाला सोहळा पार पडला. उद्घाटनानंतर थोड्याच वेळात, 'टाइम्स ऑफ इंडियामध्ये पुलगाव जवळील मार्गावर एका माकडाचा मृत्यू झाल्याचा फोटो प्राप्त झाला होता. वेगवान वाहनाने माकडाला धडक दिल्याने त्यात तो ठार झाला असावा असा अंदाज व्यक्त करण्यात आला आहे. नागपूर-मुंबई प्रवासाचा कालावधी सध्याच्या १६ तासांवरून आठ तासांवर आणण्याच्या आश्वासनासह, या एक्स्प्रेस वेवर वाहनचालकांसाठी प्रतितास १२० किमी इतक्या वेगाची परवानगी देण्यात आलेली आहे.