नेपाळमध्ये मोठा अपघात! पोखराजवळ ७२ प्रवाशांसह विमान कोसळलं; मदतकार्य सुरू

काठमांडू: नेपाळमध्ये विमानाला मोठा अपघात झाला आहे. नेपाळमधील प्रमुख शहरांपैकी एक असलेल्या पोखराजवळ प्रवासी विमान दुर्घटनाग्रस्त झालं आहे. या विमानात ७२ प्रवासी प्रवासी होते. अपघाताची माहिती मिळताच मदतकार्याला सुरुवात झाली. राजधानी काठमांडूहून विमान पोखराला जात होतं. अपघातग्रस्त विमान यति एअरलाईन्सचं आहे.

एअरलाइन्सचे प्रवक्ते सुदर्शन बर्तौला यांनी सांगितले की, जुने विमानतळ आणि पोखरा आंतरराष्ट्रीय विमानतळादरम्यान कोसळलेल्या विमानात एकूण ६८ प्रवासी आणि चार क्रू मेंबर्स होते. सोशल मीडियावर व्हायरल झालेल्या व्हिडीओ फोटो वरुन अपघातस्थळावरून धुराचे लोट उठताना दिसत आहेत. अपघातस्थळी हेलिकॉप्टरद्वारे बचाव पथक तैनात करण्यात आले आहे.