१०वीच्या मुलाला हार्टअटॅक; परीक्षा देण्यासाठी क्रिकेट मॅच सोडून आला होता,आदल्या दिवशीच...

बीड: बीड जिल्ह्यातील पाटोदा तालुक्यातील अंडर टी-२० क्रिकेट मॅच खेळणाऱ्या क्रिकेटपटू मोहम्मद सय्यद कादर (वय वर्ष १५) या दहावीत शिकत असलेल्या विद्यार्थ्यांचा हृदयविकाराने सकाळी निधन झाले. त्याच्यावर पाटोदा येथील कब्रस्तान येथे नमाज नंतर दफन विधी करण्यात आला आहे. या घटनेनंतर पाटोदा तालुक्यात हळहळ व्यक्त केली जात आहे.

मोहम्मद सय्यद कादर हा पाटोदा येथील रहिवासी असून अंडर टी-२० क्रिकेट संघात त्याची निवड झाली होती. सध्या मुंबई येथे या मॅचेस चालू देखील आहेत. मात्र दोन तारखेला दहावीचा पेपर असल्याने तीन-चार दिवसांपूर्वीच तो आपल्या गावी परतला होता. परीक्षेच्या आदल्याच दिवशी सकाळी मोहम्मदला हृदयविकाराचा तीव्र झटका आला. या झटक्यामध्येच त्याचा मृत्यू झाला. अत्यंत हुशार आणि क्रिकेटमध्ये सर्वांचा लाडका असलेला मोहम्मदच्या निधनानंतर हळहळ व्यक्त केली जात आहे.

• 
  

मोहम्मदचे वडील मलेरिया विभागात डॉक्टर असून ते बीड येथे कार्यरत आहेत, तर आई या शिक्षिका आहेत. या दोघांचा मोहम्मद हा एकुलता एक मुलगा असल्याने मोठ्या लाडात त्याचे आई-वडिलांनी संगोपन केलं होते. मोहम्मदला एक बहीण देखील आहे. त्याच्या अचानक निधनामुळे पाटोदा तालुक्यासह पूर्ण बीड जिल्ह्यात या कर्तुत्वान खेळाडूच्या मृत्यूनंतर मोठी हळहळ व्यक्त केली जाते. मोहम्मदच्या पक्षात आई-वडील आणि एक बहीण असा परिवार आहे. मोहम्मदवर पाटोदा येथील मज्जिदीतमध्ये नमाज पठणानंतर दफनविधी पार पडले.
गेल्या काही महिन्यात देशभारत लहान वयाच्या व्यक्तींचे हृदयविकाराने निधन होण्याचे प्रमाण वाढले आहे. मंगळवारी हैदराबाद येथे एका व्यक्तीचा बॅडमिंटन खेळताना अचानक हृदयविकाराच्या धक्क्याने निधन झाले होते. हैदराबाद जवळच्या सिकंदराबादमधील लालपेट येथे बॅडमिंटन खेळताना ३८ वर्षीय श्याम यादव यांना हृदय विकाराचा झटका बसला आणि ते खाली कोसळले. तेलंगणामध्ये कमी वय असलेल्या व्यक्तीचे हृदय विकाराच्या धक्क्याने निधन होण्याची गेल्या एका आठवड्यातील ही पाचवी घटना होती. महाराष्ट्रात देखील अशा प्रकारच्या घटना समोर आल्या आहेत.