लातूर : लातूरवरून तिरुपतीला रेल्वेगाडी सुरू करण्यात यावी, अशी अनेक वर्षांपासूनची लातूरकरांची मागणी होती. या मागणीला आज मूर्तरूप मिळाले आणि सोलापूर - लातूर - विशेष रेल्वेगाडी आज पहाटे २ वाजून ३० मिनिटांनी लातूर रेल्वे स्थानकावरून धावली. या प्रसंगी सोलापूर-लातूर तिरुपती रेल्वेचे लातूर रेल्वे स्थानकावर फटाके फोडून उत्साहात स्वागत करण्यात आले.
आंध्र प्रदेशतील तिरुपती बालाजी देवस्थान देशभरातच नव्हे तर जगभरात प्रसिद्ध आहे. तिरुपती बालाजीचे दर्शन घेण्यासाठी देशाच्या कानाकोपऱ्यातून भाविक येत असतात. तसे लातूर जिल्ह्यातूनही अनेक भाविक बालाजी दर्शनासाठी जातात. हा प्रवास खासगी वाहनाने करावा लागायचा. त्यासाठी जादा पैसे मोजावे लागायचे. त्यामुळे हा देव गरीबांचा नसून श्रीमंतांचा आहे, असे मानले जात होते. मात्र गरीब श्रीमंत अशा सर्वांसाठीच बालाजीचे दर्शन घडावे यासाठी स्वस्त आणि सुरक्षित मानला जाणारा रेल्वे प्रवास बालाजी दर्शनासाठी करता यावा यासाठी लातूरहून तिरुपतीला विशेष रेल्वे सुरू करावी, अशी मागणी लातूरकर गेल्या अनेक वर्षांपासून करत होते. लातूरकरांची मागणी आज पूर्ण झाली. आणि लातूरच्या रेल्वे स्थानकावर सोलापूर-लातूर तिरुपती विशेष रेल्वे धावली.पहिल्याच दिवशी रेल्वेला गर्दी
सोलापूर-लातूर तिरुपती ही विशेष रेल्वे पहिल्यांदा लातूरमधून धावली. या पहिल्या रेल्वेने बालाजी दर्शनासाठी प्रवास करण्याचा मोह अनेकांना आवरता आला नाही. लातूर तिरुपती रेल्वे गाडीच्या पहिल्या फेरीचा अविस्मरणीय प्रवास करण्यासाठी अनेकांनी बुकिंग केली होती. रेल्वेच्या या फेरीतील सर्व बुकिंग फुल्ल झाल्याचे रेल्वे सल्लागार समितीचे शामसुंदर मानधना यांनी सांगितले.
खासदार सुधाकर शृंगारे यांच्या पाठपुराव्याला यश
लातूरकरांच्या तिरुपती दर्शनाच्या भावना लक्षात घेऊन भाजपचे खासदार सुधाकर शृंगारे यांनी केंद्रीय रेल्वे मंत्र्यांची भेट घेऊन लातूर तिरुपती अशी विशेष रेल्वेगाडी सुरू करावी आणि प्रवाशांचा प्रतिसाद पाहून ती नियमित करावी, यासाठी पाठपुरावा केला होता. त्यांच्या पाठपुराव्याला आता यश आले आहे. ही सोलापूर लातूर तिरुपती विशेष रेल्वे आजपासून सुरू करण्यात आली. त्यामुळे भाजपसह लातूरकरांनी या रेल्वेचे लातूर रेल्वे स्थानकावर फटाके फोडून उत्साहात स्वागत केले. या प्रसंगी भाजपचे पदाधिकारी, कार्यकर्ते, तसेच लातूरकर उपस्थित होते.
'नागरिकांची अनेक वर्षांची मागणी भाजपने केली पूर्ण'
गेल्या अनेक वर्षांपासूनची लातूर तिरुपती रेल्वेची मागणी करण्यात येत होती. लातूरचे खासदार सुधाकर शृंगारे यांनी ही मागणी पूर्ण केली. सर्व नागरिकांकडून त्यांचे आभार मानले जात आहेत. सर्वांच्या प्रयत्नातून ही रेल्वे सुरू झाली आहे. यापूर्वी या आधी अनेक निवेदनं दिली, पण ती पूर्ण झाली नव्हती. पण आता राज्य सरकार, रेल्वेमंत्री आणि रेल्वे राज्यमंत्र्यांच्या सहकार्यातून ही मागणी पूर्ण करण्यात आली आहे, असं भाजपच्या प्रेरणा होनराव म्हणाल्या.
लातूरकरांच्या तिरुपती दर्शनाच्या भावना लक्षात घेऊन भाजपचे खासदार सुधाकर शृंगारे यांनी केंद्रीय रेल्वे मंत्र्यांची भेट घेऊन लातूर तिरुपती अशी विशेष रेल्वेगाडी सुरू करावी आणि प्रवाशांचा प्रतिसाद पाहून ती नियमित करावी, यासाठी पाठपुरावा केला होता. त्यांच्या पाठपुराव्याला आता यश आले आहे. ही सोलापूर लातूर तिरुपती विशेष रेल्वे आजपासून सुरू करण्यात आली. त्यामुळे भाजपसह लातूरकरांनी या रेल्वेचे लातूर रेल्वे स्थानकावर फटाके फोडून उत्साहात स्वागत केले. या प्रसंगी भाजपचे पदाधिकारी, कार्यकर्ते, तसेच लातूरकर उपस्थित होते.
'नागरिकांची अनेक वर्षांची मागणी भाजपने केली पूर्ण'
गेल्या अनेक वर्षांपासूनची लातूर तिरुपती रेल्वेची मागणी करण्यात येत होती. लातूरचे खासदार सुधाकर शृंगारे यांनी ही मागणी पूर्ण केली. सर्व नागरिकांकडून त्यांचे आभार मानले जात आहेत. सर्वांच्या प्रयत्नातून ही रेल्वे सुरू झाली आहे. यापूर्वी या आधी अनेक निवेदनं दिली, पण ती पूर्ण झाली नव्हती. पण आता राज्य सरकार, रेल्वेमंत्री आणि रेल्वे राज्यमंत्र्यांच्या सहकार्यातून ही मागणी पूर्ण करण्यात आली आहे, असं भाजपच्या प्रेरणा होनराव म्हणाल्या.
No comments:
Post a Comment