अभ्यास लक्षात राहत नाही, विद्यार्थिनी होती तणावात, तिने जे केले ते पाहून पालकांच्या पायाखालची जमीनच सरकली

 

अभ्यास लक्षात राहत नाही, तिने जे केले ते पाहून पालकांच्या पायाखालची जमीनच सरकली

बीड: केजमध्ये दहावीत शिकत असलेल्या एका मुलीने टोकाचे पाऊल उचलत आपले जीवन संपवले. केवळ आपण केलेला अभ्यास लक्षात राहत नसल्यानच्या ताणावातून तिने हे टोकाचे पाऊल उचलले. अभ्यासाचा ताण सहन न झाल्याने या विद्यार्थिनीने घरातच गळफास घेऊन आत्महत्या केल्याची घटना केस तालुक्यात घडली आहे. या घटनेमुळे हळहळ व्यक्त केली जात आहे.

• 
  

केस तालुक्यातील कोठी या गावातील प्रेरणा किसन डोंगरे ही इयत्ता दहावी शिक्षण घेत होती. प्रेरणाचे वडील हे गंगा माऊली साखर कारखान्यावर काम करतात. जेवढी कारखान्यावर काम करायला गेल्यानंतर रात्रीच्या वेळेला प्रेरणा आणि तिची आई या दोघी घरी होत्या. त्यावेळी प्रेरणाने आपल्याला आपण केलेला अभ्यास लक्षात का राहत नाही या विवंचनेतून आणि या गोष्टीचा टेन्शन आणि ताणतणावातून रात्री दहा-साडेदहाच्या दरम्यान घरातल्या लोखंडी अडूला गळफास घेऊन आत्महत्या केली.


याविषयीची प्रेरणाच्या वडिलांना माहिती मिळताच त्यांनी घरी धाव घेतली. त्यांनी तातडीने पोलिसांना या घटनेची माहिती दिली. याविषयी प्रेरणाला लहानपणापासून डोक्याचा आजार असल्याने तिच्या लक्षात कोणती गोष्ट राहत नव्हती. त्यामुळे तिने आत्महत्या केली असे प्रेरणाच्या वडिलांचे म्हणणे आहे. याविषयी आमचा कोणावरही संशय नसून तिने आत्महत्या केली आहे असा जवाब पोलिसांना प्रेरणाच्या वडिलांनी दिला आहे. 
मात्र, आजची पिढीला छोट्या छोट्या कारणावरून मोठ्या टोकाचे निर्णय घेत असल्याचे दिसत आहे. सततचे घरच्यांचे शिक्षणाबाबतीचे बोलणे हे विद्यार्थ्यांना किती टोकाच्या पावलापर्यंत देऊ शकते हे या घटनेतून पुढे आले आहे. मात्र, केवळ अभ्यास लक्षात राहत नाही यातून आलेल्या ताणतणावर प्रेरणाने स्वतःचा आयुष्यच संपवले ही अतिशय गंभीर अशी बाब आहे. खरेतर प्रत्येक विद्यार्थ्याला पालकांनी त्याच्या प्रत्येक गोष्टीत विचारपूस करणे आणि त्यांच्यावर लक्ष ठेवणे गरजेचे आहे. आजच्या काळात छोट्या छोट्या गोष्टीवरून ही मुले टोकाचे निर्णय घेत आहेत, याचाही गांभिर्याने विचार होणे गरजेचे असल्याचे आता बोलले जात आहे.