बापाने पोटच्या डॉक्टर मुलीचा गळा घोटला
सोयरीक मोडल्याने शुभांगीच्या घरच्यांचा राग अनावर झाला.आपली बदनामी होईल या प्रतिष्ठेपायी तिचा गळा घोटला. २२ जानेवारीला कुटुंबीयांनी शुभांगीचा रुमालाने गळा आवळून खून केला. शुभांगीचा गळा दाबताना आपले हात थरथरू नाही म्हणून वडील ,मामा आणि इतरांनी दारू प्यायली.दारू पिऊन डॉक्टर शुभांगीची गळा आवळून हत्या करण्यात आली. हत्येनंतर प्रेत रात्री उशिरा शेतात नेण्यात आले. ज्वारीच्या शेतात शुभांगीचे शरण रचून प्रेत जाळले.सकाळ झाल्यानंतर तिच्या प्रेताची राख आणि अस्थी गोदावरी नदीत विसर्जित केल्या. यानंतर सर्व पुरावे नष्ट करण्यासाठी प्रेत जाळले त्याठिकाणच्या शेतजमिनीवर नांगर फिरवण्यात आला. त्यावर पाणी सोडून पुरावा नष्ट करण्याचा प्रयत्न करण्यात आला.पण शुभांगी दिसत नसल्याने गावातील काहींना संशय आला. गावातीलच कोणीतरी निनावी फोन पोलीस ठाण्याला करून घटनेची माहिती दिली आणि डॉक्टर शुभांगीच्या हत्येचे बिंग फुटले.पोलिसांनी शुभांगीचे वडील जनार्धन जोगदंड, तिचा भाऊ कृष्णा जोगदंड,चुलत भाऊ गिरीधारी जोगदंड, गोविंद जोगदंड, आणि मामा केशव कदम आशा पाच जणांना अटक करण्यात आली असून न्यायालयात हजर केले असता न्यायालयाने ३ फेब्रुवारीपर्यंत पोलीस कोठडी सुनावली आहे.
शॉक लागून शुभांगीचा मृत्यू झाल्याचा बनाव रचला
शुभांगी जोगदंड हिच्या कुटुंबीयांनी वीजेचा धक्का लागून तिचा मृत्यू झाल्याचा बनाव रचला. काही अघटित घडलेच नाही, अशा पद्धतीने सर्व आरोपी आपापली दैनंदिन कामं करत होते. या सर्वांच्या चेहऱ्यावर हत्येनंतर पश्चातापाचा लवलेशही नव्हता. ही घटना उघडकीस आल्यानंतर एकच खळबळ उडाली. राज्य महिला आयोगाकडून या घटनेची गंभीर दखल घेण्यात आली आहे. आता पोलीस याप्रकरणात शुभांगीही हत्या झाल्याचे सिद्ध करण्यासाठी कशाप्रकारे पुरावे गोळा करणार, हे पाहावे लागेल.
